Njálggaháiurttas, gálbberássi

Rhodiola rosea

Njálggaháiruohtasin ja hádjaurttasin maid gohčoduvvo, ruohtashan atno dálkkasin. Gálbberási namma muitala, ahte rási borahedje gálbbiide giđđat. Ruohttasa goikadit ja suoskkadit dan. Dat galgá addit sávrivuođa ja searaid dávddaid vuostá sihke virkkosmahttit vuoimmehisvuođas. Dat njeaidá varrasohkardási, varradeattu ja kolestrola sihke unnida streassa. Seksualalaš movtta fas boktá guktot sohkabeliin ja buorida muittu. Rásis eai leat siidováikkuhusat.

Njálggaháiurttas lea máŋggajahkásaš bulljelastašaddu, mas lea gassa, ruvsohájat mátta. Lieđus lea belohahkii spáppalágan. Njálggaháiurttas gávdno lagamustá duottarguovllus johka- ja ájagáttiin ja báktelanjain. Njálggaháiurttasa lievllisteaddji olju sisdoallá máŋggaid ávkkálaš ávnnasovttastumiid nugo geraniola, flavonoidaid ja kánelalkoholaglykosida.