Monenvuolpu – Alášbáđverássi, sáigo- / čizásvuolpu

Alchemilla sp. – Alchemilla alpina

Vuolporásiid, sáigovuolppu ja máttasámegillii njalkiesrási lasttaid bidje háviid ala varasin dahje vušše daid ovttas buiddiin ja dahke vuoidasa. Dálkkas lei maid jorggaldatjagiid ja mánodávdaváivviide, nuorra olbmuid liikki buhtisteapmái, čoavjeváttuide ja luhčašii.  Vuolporásiid lasttaid maid bidje rássemielkái. Nuorra lasttaid sáhtá borrat saláhttan. Goikadeami várás lasttaid galgá čoaggit ovdal lieđđuma.

Davvieatnamiin gávdnojit muhtin bađverássešlájat, ja bajil dat eai olusge earrán nuppiinneaset. Bađverásit leat máŋggajahkásaččat, ja daid urttaš lea šaddan guddoláganin. Lasttain leat dábálaččat joaimmit ja suorbmastiellasat, muhto earretláhkai go eará bađverássešlájain alášbađverási lastalieđmá juohkášuvvá sierranas lasttažiidda. Alášbađverássi lieđđu suoidne-borgemánus ja dan šaddansajit leat duottareatnamat ja -niittut ja jogašgáttit. Bađverásit sisdollet bárko- ja rihčaávdnasiid, salisylasivraga ja eteralaš oljjuid.