Lageš

Betula pubescens ssp. czerepanovii

Lageš lea dehálaš muorra go šaddá gitta ordarájás. Duoggemuorat leat oanehaččat main duokkit vel heaŋgájit. Duoggemaras Ohcejogas lea dakkár báiki man čađa illá beassá.

Lageš lea sieivasoagi vuollešládja, mii šaddá duottarguovlluin ja man ovdal atne iehčanas šládjan. Lageš lea dávjá dušše moattemehtera guhkkosaš, máŋggagalddat ja roaŋkkas, mii boahtá dálvvi goaves diliin, earenoamážit biekkas. Lageš lea ordaráji muorra Fennoskandia duottarguovlluin Lulli-Norgga rájes gitta Guoládatnjárgii. Dát lea hárvenaš, dasgo dábálaččat guossa šaddada vuovderáji. Lageža navdet riegádan sieivasoagi ja skierri ruossalas sahkaneami boađusin jiekŋaáiggi loahpa sulain Norgga rittus. Skierri genaárbi vuhtto olgguldas hámi lassin ruškki rukseslágan ivnniin.