Deanu timjan, honnetrássi

Thymus serpyllum ssp. tanaensis

Litna liđiid ja gieraosiid čoaggit suoidne-borgemánus ja goikadit buntan. Deanu timjama sáhttá maid geavahit nu mo dábálaš timjama, biergoborramušas, mális ja juhkamuššii smáhkkan. Liepma dahje deadja lea buorre gosahatdávdii, suotnageasáhahkii ja biebmosuddadeapmái.

Honnetrássi dahjege Deanu timjam lea máŋggajahkásaš šaddu, mas lea aromáhtalaš hádja. Lasttat leat čavddesravddagat ja guolggaheamit. Šattu lávdanviidodat rájáiduvva measta ollásit Deanu lahkosiidda. Dan šaddansajit leat ovddemustá jogaid sátto- ja čievragáttit. Beaivelottit oidet šattu ja muhtin alitsoadjášlájat atnet aivve fal dan biebmuneaset.