Guohcarássi

Rhododendron tomentosum

Guohcarási lieđit ja lasttat deadjan dahje liepman gosahahkii, ihttomiidda ja liikeváivviide. Liepma buhtisteapmái ja bassamii. Lávgun guohčarássehávdagis veahkeha goallumis boahtán dávdii, leasmái, bohtanan bálluide ja gožžanváttuide. Lastačáhči gavdnje čuoikkaid ja čáziin basse šibihiid divrriid eret ja maid luvttehiid viesus. Guohčarásis ja soahkebeassis lea vuššon ruoššaolju ja dan atnet Ruoššas náhkkedikšumii.

Guohcadaŋas lea vuollái mehtera allosaš miestatlágan daŋas, mii lea birra jagi ruonas. Dat loaktá bures beahcejekkiin, davvin maiddái daŋasguolbaniin. Šattu bastilis hádja vuolgá eteralaš oljjus, mii sisdoallá ledola, palustrola ja myrsena. Dálkkaslágádus logahallá guohcadakŋasa dálkkasin.

Váruhussan: Guohčarássi lea dálá dieđuid mielde mirkkolaš!