Luktit

Carex sp.

Gámasuoidnin, lidnejuvvon ja goikaduvvon gápmagiid ja gistáid sisa. Gámasuoidni ja gáma leat hui dearvvašlaččat julggiide, eai lean juolgeguopparšattut ja eará diekkár váttut go suoidni doalai goikkisin ja gámavuođu čađa unná geađggážat ruvvejedje julggiid.

Gámasuoidnin geavahuvvojedje sitkeslasttat luktit, ee. rievdnegudja ja gámasuoinlukti. Máŋggajahkásaš luktešattuid nađat leat suoreheamit, lasttaheamit ja dábálaččat golmmaordásaččat. Lieđus lea gordneoaivi dahje gordnegihpulágan, diehppeoaivvilágan dahje sárregihpulágan gearddoslieđus. Davviriikkain luktit šaddet 117 sierra šlája, ja daid mihtilmas šaddansajit leat jeakkit, johka- ja jávregáttit ja jogašgáttit.