Seaidnesámil Sphagnum sp Sámmáliin lea vuogas sihkastit guoli njuvvo ja dat lea hirssaid gaskkas deavddan ja isolašuvdnan. Maiddái basaldahkan, mánodávddaid suodjin, bolsttarin, guoddán ja máná vuolde gietkamis lea geavahuvvon sámil. Máná vuorddedettiin čogge olu sámmáliid vuorkái, go daidda šattai atnu máná lihparinge. Eanaspáppas šaddet sullii 300 sierra darfešlája ja Suomas dáin leat gávdnon 41 šlája. Šattu nađas ja lasttain leat darfeseallat, maidda šaddu rádjá beaktilit čázi ja biebmoávdnasiid. Daid njammannákca lea stuoris, ja dainna dat dollet láktasa goike áigodagain. Darffiin lea guovddášrolla jeaggeekosystemaid ovdáneamis: dat šaddá sullii sentte jagis ja vuolleoassi nuppástuvvá lavdnjin. Suoma lavdnjevalljodagain sullii bealli lea darffiin šaddan lavdnji.