Matsutake (beahcenjálggaháiguoppar)

Tricholoma matsutake

Matsutake lea stuorra ja njálggahájat goikeguolbanguoppar. Stuorra háhtas leat čuopmasat, lihpit ja assi leat vielgadat. Guoppar šaddá goike beahceguolbaniin, ja šatturádjanáigodat bistá borge-čakčamánu. Seailu hui bures. Dát njálggaháiguoppar lea earenoamáš árvvusadnojuvvon biebmoguoppar Japánas, ja dál dat lea dovddus dáppege dan japánagielat namain, matsutake. Dohkkehuvvui gávpeguobbarin j. 2007.