Háisuoinnit, Márjjásuoinnit

Hierochloë sp.

Háisuoinni ii leat álki dovdat earágo dalle go diehtá gos dat šaddá, dahje ferte gieđas ruvvet dalle hakso bures ja eahkes hádja dovdo buorebut.

Márjjásuoinnit leat máŋggajahkásaš suoinnit, main lea sárrediehppelieđus. Dat šaddet sullii mehterbeali guhkkosažžan ja daid gortnit leat vuorjjit, ruškesivnnagat ja jorbasealggagat. Šaddu sáhttá lávdat beaktilit eatnanvuole sárriiguin. Loaktá bures niittuin ja gáttiin. Márjjásuinniid njálgga hádja boahtá oljjus, mii sisdoallá kumariinna. Hádja lea beaktileamos goikaduvvon šattus.