Reatká

Juniperus communis

Reatká dahje gaskkas addá buori suoji dávddaid vuostá, dálkkoda, buhtista rupmaša ja viesuid. Dat veahkeha astmai, garra čoskkiideapmái ja nuorvodávdii. Goahcceliemain bassat lihtiid, viesuid ja buot. Vuovttat šaddet buhtisin, čuovgin ja daid luovvaneapmi geahppána. Liema juhkan ja das lávggodeapmi buhtista. Liema adde maid šibihiidda. Suovva lea buhtisteaddji ja geavahuvvo čuoikasuovvan ja guliid suovasteapmái. Buolli reatkkáin jáge guržuid eret. Alit muorjjit leat čoaggehahttit ja daid goikadit. Muorjedeadja lea gožžanváivviide buhtisteaddi ja veahkeha čoavjeváttuide ja sáinnahaga vuostá.

Reatká šaddá Suomas dábálaččat miestatláganin, jalggážiin juoba eatnanláve. Reatká lea guovttenevvot ja dan bihcabáhcat dego muorji. Reatkámuorjjit láddet easka goalmmát jage lieđđumis, ja dalle dat nuppástuvvet ruonás alihin. Muorraávdnasis lea njálgga hádja. Murjjiin lea lievllisteaddji olju, mii sisdoallá ee. kamfera, bárkosivrraid ja C-vitamiinna. Maiddái lasttain lea C-vitamiidna ja dasa lassin minerálaávdnasat ja proteiidna. Reatká lea njoazesšattot ja sáhttá eallit juoba 2000 jagi boarisin.