Ehtemas

Vaccinium uliginosum

Ehtemasas lea C-vitamiidna valjis. Badjelmeare láddan murjjiid ii gánnet borrat, dain lea parasihttaguoppar, mas šaddá oaivejorgasii ja -bákčasii. Biergomállái bidje murjjiid ja borre meastun. Muorjji dadjet leat ávkin ráhkisteami ovddideapmái, cakki dikšumii. Giehtagierragis ehtemas lea leamaš dehálut muorjin go sarrit. Murjjiid borre varasin. Daid ferte jiekŋudit sierralágaid, nu eai nuvdáš ja de báhkket galmmiheapmái.

Ehtemas nugo sarrige gullá joŋaid sohkii. Dat lieđđu miesse-geassemánus, muorjjit láddet suoidne-borgemánus, ja lasttat gahččet čakčat. Ehtemas lea dábálaš miehtá riikka ja šaddá bures njuoska eatnamiin muhto maiddái daŋasguolbaniin. Sarri ektui dan muorjji ivdni lea šoavkadut ja smáhkka goidasut, muhto C-vitamiidnadoallu lea dovdomassii stuorit.