Seailluhepmi lea áiggiid čađa nuppástuvvan ja otná beaivve olbmot leat olu hilgon biebmoávdnasiid lunddolaš vuorkunvugiid ja váldán atnui elerávnnji gáibideaddji mášeniid. Muhtun veardde leat ain anus goikadeapmi, suovasteapmi ja sálten. Dál ain goikadit biergguid, guliid ja šattuid. Guliid ja biergguid suovastit ja sáltejit. Dieđusge goikadit boaldenmuoraid, ávdnasiid, duljiid, náhkiid ja gámasuinniid.
Guliid seailluhit maid eanagealláriin dahje buvrriin. Állegeađgi lei ovdalis áigge dehálaš ”geallir”. Galbmaádjagis seailluhedje murjjiid ja eará.
