| |
Oskkoldatmateriála
Oskkoldatmateriálii gullet diŋggat, mat laktásit sihke ovdakristtalaš ja kristtalaš oskku meanuide ja hávdádeapmái. Maiddái oamehasaid bázahusaid sáhttá lohkat dán jovkui.
Meavrresgárit ja diŋggat, mat laktásit goavdásiidda. Diŋggaide gullet goavdása dearppadettiin adnojuvvon metállarieggát dahjege vuorbbit ja meavrresgárrái addojuvvon ja dasa giddejuvvon skeaŋkadiŋggat.
- Meavrresgári veahčirat
- Sieiddit, dego muorra- ja geađgesieiddit
- Hávdediŋggat, nugo hávdái stellejuvvon biergasat dahje hávddi ráhkadagaide gullevaš diŋggat dahje materiála
- Guovžža hávdegávdnosat, nugo guovžža dávttit ja daid oktavuođas oaffaruššon metálladiŋggat dahje eará biergasat
- Eará oskkoldatdiŋggat, mat laktásit ovdakristtalaš áigái
- Visot diŋggat, mat leat stellejuvvon hávddiide dahje laktásit hávddi ráhkadagaide
- Sámeguvlui huksejuvvon girkkuid diŋggat dahje ráhkadagat
- Biergasat, mat laktásit buohcuvuođaid dálkkodeapmái dahje buorideapmái
- Dáktemateriála
|
|
