Healvasuoidni

Milium effusum

Linné čálii ahte das lea njálgga hádja ja nieiddat lávejedje čoggit lasttaid buntan. Healvasuoinni maiddái bolde duhpaha sajis. Eará duhpátšattut ledje jeaggeboska (jeaggeurttas, jierta), olbmoborranrássi, jeađjá ja fiskesloppan. Rásiid goikaduvvon ruohttasiid, fádnuid ja liđiid bolde duhpáha sajis ja seailluhedje daid gáhkkorburssas.

Healvasuoidni lea máŋggajahkásaš ja guhkes, juoba beannot mehtera guhkkosaš suoidni. Das leat njagulasttat ja njárbes lieđus. Gávdno viehka dábálažžan Suomas, earenoamážit rohtueatnamiin. Healvasuoinni njálgga hádja boahtá kumariinnas, ja hádja lassána go šaddu goiká. Hádja ii goittotge leat seamma beaktil go márjjásuinniin.