Sieivasoahki

Betula pubescens

Dát soahki šaddá eanáš miesttan, seammá ruohttasis dahje máddagis suorggidan ja dan beassi lea ruškeslágan. Dákkár máddagis šaddan muoraide šaddá dávjá gálla ovdalgo leat olles šaddus, dalle dan siskkoš lea čáhccái ja čáhppat. Oktosoahki lea dakkár mii lea álgán siepmanis ja giettis dat šaddet oalle jođánit.

Davvi-Sámis sieivasoahki lea čielgasit dábáleabbo go lodnjesoahki. Sieivasoahki šaddá buoremus muttus sullii 20 mehtera guhkkosažžan dahjege dat lea uhcit go lodnjesoahki. Sieivasoahkemáddaga bárku lea vielgadut go lodnjesoagis iige dat luoddanatta. Nuorra oavssit leat šalladat nuppeláhkai go lodnjesoagis. Lasttat leat buicasat ja dain leat unna sahábánit ravddain. Sieivasoahki lea máŋggagalddat dábáleabbot go lodnjesoahki. Jahkeođjjuin leat guolggat, eaige dain leat čuomárasat nugo lodnjesoagis. Sieivasoagi šaddansajit leat šattolaš guolbanat, rođut, suhkkes vuovddit, gáttit ja bealdduid ravddat ja geaidnoguorat. Sieivasoahki šaddá hihtáseabbot go lodnjesoahki. Sieivasoahki sahkana dávjá ruossalagaid lagežiin.