Varraruohtas

Potentilla erecta

Ruohttasa leat vuoššan, goikadan ja mollen jáffun. Jáffuid leat atnán dálkkasin čovjeváttuide ja bohccuid luhčadávdii. Ruohtasliepma lávgunčázis veahkehii galbma feberii. Šattu tanniidna eastá infekšuvnnaid.

Varraruohtas lea Davviriikkaid dábáleamos suorbmarássešládja. Lieđđelasttat leat dušše njeallje. Gassa guottu sáhttá deaddit juoba kilobeali. Varraruohtas šaddá bures gáttiin, jekkiin, niittuin ja vuvddiin, main leat eanaš lastamuorat. Davvi-Suomas hárvenaš, ja dat gávdno lagamustá jeaggeravddain.