Báhkkečátná

Inonotus obliquus

Báhkkečatná lea ruškesivdnái ja dat lea smierru. Das leat gáffeávdnasat, maid galgá goikadit ja de ferdnet daid. Das leat maid deaja vuoššan. Ruošša álbmotdálkkodeamis báhkkečánáin leat dikšon máŋggaid dávddaid nugo­mat čoavjehávi ja sonahaga.

Báhkkečátná lea ovddemustá soagis muhto maiddái eará lastamuorain šaddi mieskadeaddjiguoppar. Dat itná lastamuoraid galddaide vihkisajiid bokte dábálaččat čakčat, muhto dávjá dat gávdno maiddái buolašluoddanemiin. Báhkkečátná mieskada dušše ealli muora ja iđiha čáhppes šattalmasa. Aitosaš iđuseamit ovdánit easka muora jápmima maŋŋá, ja dat šaddet gara ja muorraávdnasa gaskii. Báhkkečátná lea dábálaš miehtá riikka.