Miehtaskážir

Filipendula ulmaria

Rásis lea aspiriidna, mii lea dálkkas bákčasiidda, vearkkaide ja golgodávddaide. Báhkka deadja vuolida febera ja bivastahttá. Heive luhčadávdii, go das lea tanniidna. Lasttaid čoaggit go lieđđugoahtá.

Miehtaskážir lea máŋggajahkásaš, ja dan vilges lieđus hakso sakka. Šaddu lea dábálaš miehtá Suoma, duoddariin gal hárvenaš ordaráji bajábealde. Loaktá bures njuoska ja čuvges šaddansajiin. Miehtaskáhčira liđiin lea lievllisteaddji olju, mii sisdoallá ee. salisylaaldehyda, salisylasivrra metylaestera ja veaháš vanilliinna. Salisylasivrra ánssus šattu sáhttá geavahit bávččasdálkkasin.